हॅलो वाचकांनो आज मी तुम्हाला लालबहादूर शास्त्री बद्दल माहिती मराठीत – Lal Bahadur Shastri Information in Marathi देणार आहे तर चला बघुयात.
| १] | नाव – | लालबहादूर शास्त्री |
| २] | जन्म – | २ ऑक्टोबर इ.स. १९०४ मुगलसराई, भारत |
| ३] | मृत्यू – | ११ जानेवारी इ.स. १९६६ ताश्कंद |
लालबहादूर शास्त्री – Lal Bahadur Shastri Information in Marathi
भारताचे पंतप्रधान भूषविणारे लाल बहादूर शास्त्री यांचे जीवन एक अलौकिक जीवन होते. उत्तर प्रदेशातील मोगलसराई येथे २ ऑक्टोबर १९०४ साली त्यांचा जन्म झाला. त्यांचे वडील शिक्षक होते.
एक अत्यंत सामान्य कुटूबात जन्म घेऊ नही, आपल्या कठोर परिश्रमाने, प्रामाणिकपणामुळे लालबहादुर पंतप्रधानपदापर्यंत जाऊन पोहोचले. ते दीड वर्षाचे असतांना त्यांच्या पित्याचे दुःखद निधन झाले. त्यांचे पालनपोषण त्यांची माता रामदुलारीदेवीने केले.
बालपणापासूनच त्यांना वेळेचे आणि परिस्थितीचे भान होते. शालेय शिक्षणानंतर पुढील शिक्षणासाठी ते काशीला गेले. तेथे शिकत असताना त्यांच्या मनातील देशप्रेम जागृत होत असे. त्याकाळी भारतात स्वातंत्र्यासाठी फार मोठया प्रमाणात आंदोलन चालले होते.
परकी सत्ता उलथवून लावण्यासाठी अनेकांनी आपल्या प्राणाहुती दिल्या होत्या. परदेशी कापडांची होळी, दारुबंदी व्हावी म्हणून चाललेले प्रयत्न, स्वातंत्र्य – चळवळ या सर्वांचा १६-१७ वर्षाच्या लालवर फार मोठा परिणाम झाला.
त्यांचे मन देशप्रेमाने भारले गेले. परंतू चांगले शिक्षण घेतल्याशिवाय देशाची सेवा करता येणार नाही, असे त्यांनी ठरविले.
१९२५ मध्ये त्यांना काशी विद्यापीठाची शास्त्री ही पदवी मिळाली. राजकीय क्षेत्रातील कार्य – लाला लजपतराय यांनी राजकीय क्षेत्रातील कार्यकर्त्यांना आर्थिक मदत व्हावी म्हणून लोकसेवा मंडळाची स्थापना केली होती.
शास्त्रीजी त्या मंडळाचे सदस्य झाले. तिथे त्यांनी दलित, मजूर इ. साठी कार्य केले. त्यानंतर त्यांना अलाहाबादला जावे लागले. त्यांचा विवाह ललितादेवींशी झाला. परंतू राष्ट्रपेमाची भावना त्यांच्या मनात फार प्रखर होती.
आपले सर्व जीवन त्यांनी देशसेवेसाठी समर्पित केले आणि वैयक्तिक सुखाला गौण स्थान दिले. १९२०-२१ च्या सुमारास शास्त्रीजी काँग्रेसमध्ये आले. अनेक खेड्यामधून ते कार्य करीत. सत्याचरण, साधी राहणी आणि निःस्वार्थ सेवा वा गुणांमुळे ते प्रसिध्द झाले.
जिल्हा काँग्रेस कमिटीचे ते मंत्री बनले. त्यानंतर १९४७ साली भारताला स्वातंत्र्य मिळाले. १९४८ साली गांधीवध झाला. लाल बहादूर शास्त्रीजींना पंडित नेहरूंनी काँग्रेसचे महामंत्री हे पद दिले. आपल्या जवळच्या प्रामाणिकपणा आणि कार्यकौशल्य या गुणांमुळे शास्त्रीजी राजकारणाच्या क्षेत्रात हळुहळु वरच्या पदांवर गेले.
१९५६-५७ सालच्या निवडणुकीत ते विजयी झाले. २७ मे १९६४ रोजी पंडित नेहरूंचे दुःखद निधन झाले. आणि त्यानंतर ९ जून १९६४ ला शास्त्रीजी भारताचे पंतप्रधान झाले.
१९६२ साली चीनने भारतावर आक्रमण झाले. त्यावेळी देशातील ऐक्य राखण्यासाठी शास्त्रीजींनी आटोकाट प्रयत्न केले. १९६५ साली भारत – पाक युध्द झाले. त्यावेळी देशातील लोकांचे मनोधैर्य कायम राखण्यासाठी शास्त्रीजी अत्यंत प्रभावी भाषण करीत.
१९६४ साली झालेल्या शिखर परिषदेत त्यांनी विश्वशांतीसाठी अत्यंत ओजस्वी भाषण केले. पाकिस्तान आपली लढाई थांबवायला तयार नव्हता. काश्मीरमधूनं पाक सैन्य घुसू लागले.
तेव्हा शास्त्रीजींनी सैनिकांना पुढे चला असा आदेश दिला. त्यावेळी संपूर्ण राष्ट्र जागे झाले. रणांगणात विजय प्राप्तीसाठी ते सैनिकांबरोबर, शेतकऱ्यांना प्रेरणा देत. म्हणून जय जवान जय किसान ही घोषणा त्यांनी दिली.
१० जानेवारी १९६६ साली लाल बहादूर शास्त्री आणि पाकिस्तानचे जनरल अयुबखान यांच्यामध्ये ताश्कंद करार झाला पण हा करार झाल्यावर ११ जानेवारी १९६६ ला सरळ, धर्मपरायण आणि निष्ठावान लालबहादूर शास्त्रींचे दुःखद निधन झाले.
रशियाचे अध्यक्ष कोसिजिन यांनाही वाईट वाटले. सरळ स्वभाव, प्रामाणिकपणा, क्षमाशीलता आणि शांतताप्रियता या गुणांमुळे आजही लोकांच्या मनात शास्त्रीजीबद्दल आदर आहे. आजच्या तरुणांनी राजकीय क्षेत्रात कार्य करतांना शास्त्रीजींचे हे गुण अंगीकारले पाहिजेत.
काय शिकलात?
आज आपण लाल बहादूर शास्त्री बद्दल माहिती मराठीत – Lal Bahadur Shastri Information in Marathi पहिली आहे पोस्ट वाचल्याबद्दल मनापासून धन्यवाद.